انا المواطن المصري ايمن بهجت قمر بعتذر لك من كل قلبي عن المنظر المؤسف ده وغالبية المصريين احزنهم جدا اللي حصل معاك
مصر والمصريين مش كلهم كده مصر فيها زعماء وعلماء وادباء وفنانين ودكاتره ومهندسين وفيها برضه شوية لمامه حقك علينا
انا ماكنتش اعرفه شخصيا بس كنت طول الوقت متعاطف معاه وحاسس ان حظه قليل في الدنيا وفاة أمه وهو طفل وبعدها والده حتى في الفن كان بيوجعني اوي احساسه لما بيشبهوا ممثلين تانيين بأبوه وهو لا وكنت حاسس انه اتظلم ونجوميته اتأخرت .. نقول ايه ما يغلاش على اللي خلقه .. الفاتحه #هيثم_احمد_زكي
إلى كل الجهات المعنيه :
انا الشاعر ايمن بهجت قمر صاحب حقوق الملكيه الفكريه والوحيد الذي يحق له التحوير في مصنفه الادبي أطالب شركة الساسام الفرنسيه والفنان حسين الجسمي بضروة الإلتزام بالآتي : - تغيير جملة ان شا الله لسته الصبح بفكر فيك ل(خمسه) الصبح ولكم مني جزيل الشكر 😀
النهارده عيد ميلاد الراجل اللي أسعدنا وضحكنا سيدتي الجميله العيال كبرت ريا وسكينه ٣٠ يوم في السجن وحاجات كتير اوي
دعوه حلوه والفاتحه بقى عشان عيد ميلاد ابويا الكاتب الكبير الراحل بهجت قمر
يا اللي بتدور على الحريه والتحرر وكل واحد حر ينام على الجنب اللي يريحه ... انا بحب يوسف الشريف ❤ وهو حر في افكاره ..وعلى رأي الشاعر اللي قال : كل واحد يعمل اللي يريحه 😊
@ElSherif
ياريت ردود الافعال على مسلسل الاختيار من الاطفال ومنهم ابني اللي عايش بكل حواسه واتعلم الوطنيه من مسلسل وتأثيره برضه على الكبار يكون سبب لتغيير مفهوم الفن عند الناس ويكون دليل للدوله عشان تفضل تدي كمان اكتر لتفعيل دور الفن الحقيقي اللي بيأثر في الوجدان ..برافو والله زمان
بقالي فتره بفكر جديا في اللي هقوله انا قررت ان اغنية مهرجان هي اخر اغنيه انا هكتبها وهعتزل تأليف الاغاني هنتج بس وهكتب افلام مسرح بس انا بقالي ٢٨ سنه بكتب اغاني وطول الوقت في توتر عاصرت أجيال كتير من ١٩٩٢ لحد دلوقتي وخلاص قررت ارتاح من السبق ده
رجعت من السفر لقيتها على العماره ❤❤❤ انا متاثر جدا جدا وبشكر كل القائمين على الموضوع ده بجد من كل قلبي شكرا شكرا شكرا ... بس ليه تخلوني قاعد في مكان عام واعيط ❤ الف رحمه ونور عليك يا بابا يا حبيبي عايش بحسك لحد اخر يوم في عمري انا هقوم بسرعه لحسن منظري غريب في الكافيه 😂
مش عايز حد يحبط ولا يتشائم ولا يستسلم .. فتره وهتعدي بس بعدها هتشوفوا .. الكل عنده طاقه وطاقه جباره وبعد الركود هيبقى فيه انطلاق وده مش كلام .. اللي جاي فعلا هيبقى خير وخير كبير بإذن الله ❤ تفائلوا تفائلوا تفائلوا
إنت ممكن تقابل ناس وتتعرف على نجوم وتتعامل معاهم بس إنك تبقى زي يوسف الشريف دي مش حاجه سهله
قمه في الأخلاق والذوق والإحترام ربنا يبارك لك يا يوسف ويزيدك ❤❤
@ElSherif
انا هبعد عن تويتر شويه لإنه حقيقي زي ما عليه ناس محترمين اتشرفت بيهم عليه شوية سفله ولا يستاهلوا الواحد يبص على اساميهم ملقف قذورات بصراحه وتحياتي لولاد الناس .
ابويا كان زملكاوي وطول عمرنا بنناكف في بعض.. من اعز اصحابي حازم امام المحترم اللي من واحنا عيال واحنا بنغيظ فيه ومستحملنا وعمره ما زعل من حد ..اللي بيحصل الايام دي قمة الهبل والتعصب الصحاب بيخسروا بعض عشان ماتش.. حقيقي قمة التفاهه .. بس اللي يبيع صاحب عشان ماتش حقيقي مالوش عازه
حسين الجسمي الفنان الكبير رفيق المشوار ..من بحبك وحشتيني ل ٦ الصبح ..بعد الفراق ..اهل كايرو ..بشرة خير ..محدش مرتاح .. سنة الحياه
وحاجات كتير تانيه .. حسين هو النجاح والذوق والاحترام والأدب
@7sainaljassmi
من احلى الأدوار اللي كتبتها في فيلم آسف على الإزعاج ومن أحلى الأدوار اللي مثلها شخصيه إتكتبت على الهوا وما كانش للشخصيه إسم بس من بساطتها علمت وهتعيش
الله يرحمك يا ....... محمد شرف
الفاتحه
من اكبر مكاسب فلانتينو د. عبد العزيز احمد رئيس قسم الديناميكا والمركبات الفضائيه الفنان عادل انور عندنا مواهب كبيره قوي وبقالها سنين لم تستغل من قلبي بشكرك وفخور بيك ومش فخور بيك عشان انا مؤلف المسلسل وبس.. لا انا فخور بيك لانك خالي اللي بتباهى بيه من وانا صغير ❤
السيد رئيس الجمهوريه .. رئيس مجلس الشعب .. رئيس مجلس الوزراء
نرجو من سيادتكم تفعيل قوانين السب والقذف والخوض في الأعراض على الانترنت وتطبيقها بشكل صارم لإن الامور تزداد حنقه وهو ما ينزر بكوارث قادمه ولابد من العمل على الحد من هذه الظاهره بعيدا عن تقييد الرأي او قمع الحريات
القسط ..وآه آه آه م القسط
بيهد الوسط
انا لما هخلص كل شيكاتي
هلاقيني خلصت
انا عايز اريح بقى اعصابي
عايز اخد ريست 😊
الله يخرب بيت الاقساط ع اللي عمل الاقساط 😂
هيفضل فلانتينو هو اكتر عمل هفتكره طول حياتي على قد ما تعبت على قد ما است��تعت واتشرفت ❤شكرا الزعيم عادل امام انه اتاح لي الفرصه دي شكرا لرامي امام شكرا لهشام تحسين شكرا الشركه المتحده وقنوات DMC وشكر خاص لحبيبي ا. يسري الفخراني اللي دوشتوا معايا طول رمضان 😊
بحب اوي اللي يخون العيش والملح ويسرق احلامك ويستغل مشاكلك ويدوس عليك عشان مصلحته وبعدها يستهبل ويعمل عبيط ويلبس وش المظلوم الشهيد صاحب المبادئ ! حقيقي نكته بايخه لان محدش طول الوقت اذكى من الكل بس نقول ايه ربنا يهدي ويدي كل واحد على اد اخلاقه ونيته وملحوظه انا ما بصاحبش مزيفين
فيه ناس بتلومني إني بتجاوب مع التعليقات وكإني مش واحد من الناس اللي بتكتب لي لا انا بني ادم زيهم وبتنرفز وبرد وحتى في الشارع ممكن تلاقيني بشد مع سواق تاكسي 🙂 احنا ناس طبيعيه والنعمه اللي احنا فيها من محبة الناس فبلاش يبقى الطبيعي انك نجم وتتعالى..كلنا على باب الله والدنيا دواره
كل دي اخبار تفرح وكده اقدر انفذ وعدي اللي وعدته لأورانج واسمع لضغوط مراتي وولادي واصحابي وكل الناس الحلوه اللي إدت من وقتها وكلمتني وكتبت لي وبعد ما نفسيتي هديت خصوصا كمان مع نجاح اغنية مهرجان مع الهضبه وكلامه عني وكلامه ليا وتشجيعه ..انا هكتب اغاني تاني ❤
انا في الأسبوعين اللي فاتوا :إبن عمي كريم اقرب الناس ليا توفاه الله.. المسلسل اتأجل..الفيلم متوقف
كل شهر تقريبا بتعامل مع ضغوط الحياه كإني بابدأ رحلة كفاح جديده واضح إنها مش هتنتهي إلا بنهاية الحياه ومع ذلك مكمل وأقوى من أي ظروف لإن مافيش في ايدي الا اني اكمل ..الحمد لله
بشكر كل اللي دعموني واللي اتصلوا بيا بس انا بتأسف لكوا الموضوع لا هو لقطه بدور عليها والا كنت عملت مداخلات او طلعت في برامج ولا مثلا لحظة غضب انا بدور على الراحه جايز احن للأغاني واكتب لنفسي بس خلاص انا طلعت من المفرمه دي ربنا يقدرني اقدم أعمال دراميه تعوض غيابي ده وهدعم المواهب
يناير ١٩٨٩
يناير ٢٠٢٠
الفرق بين الصورتين ٣١ سنه .. والزعيم عادل امام واقف بياخد العزا في والدي الكاتب الكبير بهجت قمر
ونهاية تصوير مسلسل فلانتينو من تأليفي واللي نولت فيه شرف التعاون معاه لاول مره ❤ الفاتحه لأبويا ودعواتكم
تعاملوني بإحترام اشيلكوا على راسي تنتقدوني او تنتقدوا شغلي بإحترام اسمع واتقبل بمنتهى الأدب .. هتقل ادبك عليا وتتمنظر هفرج عليك امه لا إله إلا الله سنين بنتشتم وبنسكت واحنا بشر زيكوا على فكره بنحس وبنزعل وبنغضب على شتيمة اهالينا ..صباحكم فل
الناس اللي مضايقه اننا بنكمل حياتنا وبنشير عن اعمال رمضان وان ده مش وقته ..اوكي
صباح الوباء على الكل واوعوا تنسوا في كل لحظه ان فيه فيروس ممكن يدخل الحلق ثم يفترسك بعد مايهجم على الرئه والناس بتموت كل يوم كل ساعه كل ثانيه موت في موت في مووووت ..يارب كده تكونوا انبسطتوا
توضيح عشان كلامي يبقى واضح وبضيف عليه عشان اتاخد في سياق مش حلو انا عاشق لاعمال محمد صبحي مع لينين الرملي وشايف ان توقف تجربته مع كاتب بحجم لينين كان خساره له ولينا كجمهور وبعتذر على كلمة صفر من غير لينين ده كان تعبير حاد وقليل الادب وقولوا لمراتي تاخد مني الموبايل وانا صايم 😊
إيه يا اشرف يا عبد الباقي الجمال اللي انت عامله في جريمه في المعادي ده ! وايه الشباب الجامدين دول ❤❤ بجد حاجه عظمه ومختلفه وربنا يبارك لك في اللي عملته لمسرح الريحاني واللي بتقدمه للشباب .. انا مدين ليك انك حببت أحفاد بهجت قمر في المسرح ❤❤
@AshrafAbdilBaky
الله يرحمك يا اجدع وأطيب الناس ..فاروق الفيشاوي .. ربنا يجازيك على قد عملك وشهامتك وانا واحد من اللي يشهدولك بده وبمواقفك معايا بعد وفاة ابويا .. سلم على الغاليين ..الفاتحه
اشرف زكي حبيبي واخويا الكبير وضهري الف سلامه عليك مش وقت تعب ده اكتر وقت كلنا بنحتاج لك فيه .. هترجع احسن من الاول وهتبقى زي الفل بفضل دعوات حبايبك اللي عمرك ماقصرت معاهم ❤❤❤
انا لقيت عند الاستاذ سمير العصفوري مسرحيه لأبويا كانت مفقوده وماكنتش لاقي النص ! نص إيه اللي مش لاقيه !!!..دي طلعت كمان متصوره والشريط معاه واداهونييييييييييييي
مسرحية : ليه ليه بطولة الأستاذ فؤاد المهندس وشويكار 😊 بجد مش مصدق تاريخ عظيم كان مفقود الف الف شكر
Amin Elassal
الإصابات هي أصعب و أقوي إختبار لإرادة اللاعب و قوَته لكن عندما تواجه إصابه تهدد مشوارك كلاعب قبل الأوان هنا وَجَب علي الجميع الإلتفاف و الدعم والمسانده،نحنُ جميعاً في انتظارك يا مؤمن للعوده أقوي مما كنت..ألف سلامه عليك
@MoamenZakaria
كان نفسي ابويا يشوف اي حاجه عملتها بس الحمد لله وصلت لكل ده بحسه وبسيرته الطيبه وباللي اتعلمته في بيته منه ومن عظماء الفن في مصر ❤ أ. نبيل الحلفاوي داس على الجرح ..بس على فكره ابويا ماعرفش يخليني زملكاوي 😁
بعض المشاهير الناجحين.. كنت أعرف آباءهم ورأيت بعضهم عندما كانوا صبية أو في بداية المشوار.
والآن أفرح بما حققوه من نجاح ومكانة.
لكن الفرحة تمتزج أحيانا ببعض الأسى.. إن كان والد من أشاهده قد رحل قبل أن يسعد ويفخر بتألق وانطلاقة ابنه.. خاصة إن لم تكن متوقعة.
بقالي فتره بفكر جديا في اللي هقوله انا قررت ان اغنية مهرجان هي اخر اغنيه انا هكتبها وهعتزل تأليف الاغاني هنتج بس وهكتب افلام مسرح بس انا بقالي ٢٨ سنه بكتب اغاني وطول الوقت في توتر عاصرت أجيال كتير من ١٩٩٢ لحد دلوقتي وخلاص قررت ارتاح من السبق ده..
لما يبقى قصادك هدف نفسك تحققه وتفضل تقول انا قدامي هدف قدامي هدف لازم تشتغل على الهدف ده لإنه مختلف عن كل الاهداف والهدف ده بييجي مره في العمر
هدف قفشه 😄😄😄
الذكرى الاولى لفاينال التاسعه
مهرجان - عمرو دياب ٢٠٢٠
كلمات : أيمن بهجت قمر
ألحان : محمد يحيى
توزيع : نادر حمدي
ديجيتال ماستر : طارق مدكور
انتاج ناي فور ميديا .. يا رب تعجبكوا
صباحكوا بهجه